سلسلة الدورة التحضيرية للarch - ملحق الرسم الفني

امتحان الدخول عبارة عن امتحان ثقافة باللغة العربية، ثقافة باللغة الأجنبية، رياضيات، خطيطة معمارية، ورسم فني 

الرسم الفني هو إنو بحطو شي امامك وبدك ترسمو

الإظهار - Presentation
Mise en page

لازم أول شي حدد إطار لموقع الرسمة على الورقة وبما إنو الفراغ جزء من الرسم ما بحط الرسمة ع الزاوية وبترك باقي الورقة فاضي

القنينة - قارورة المياه

1- القنينة امامي برسم بالنظر أو بتقدير القياسات بالقلم عن بعيد يعني من عندي بحط القلم بين عيني والقنينة وبقدر مثلًا غطاء القنينة بقياس محاية القلم من عندي وع هالأساس بكمل الرسم لحتى اقدر قيم نسب القياسات

2- وبما إنو القنين سيمتري فـ بحط axe

3- خط الأرض مهم وبكون فوق وسط الرسمة أو تحتو وما بيوصل لآخر الورقة

سلسلة الدورة التحضيرية للarch - الجزء الخامس

الخطيطة المعمارية

كل شي حكيناه قبل عن التشكيل والperspective والكيوسك أو الكشك، يندرج ضمن إطار ما يسمى بالخطيطة المعمارية

بالإضافة إلى إنو ممكن يعطونا معطيات معينة ونرسم ع أساسها

التمرين الأول:

معك عدد غير محدد من الدواليب ممكن أعمل فيون يلي بدي ياه استعمل نصن ربعن..، المهم تكون أحجامن منطقية يعني ما دولاب ضخم ودولاب صغيير، بطريقة مقبولة بدي أعمل منن متل شكل يعني متل المجسمات يلي بيعرضوها بالطريق بعبر عن السلام أو الحرية يعني عن مفهوم معين

ملاحظات 1- ما تفكر ترسم شي الكل رح يفكرو فيه مثلًا أرزة بما إنو نحن نتحدث عن لبنان

 2- وما كتير تضيع وقت بالرسم الأولي ما بضل وقت لتخلص الرسمة
3- الرسم الحلو ممكن يغطي ع الفكرة الضعيفة والعكس صحيح

4- مدة امتحان الخطيطة المعمارية 3 ساعات

نتيجتي

التمرين الثاني:

معك عدد مش محدد من متوازي المستطيلات 60*30*30 ، بدك تعمل منن مجسم لشي بمثل لبنان
طبعًا هون بلشت محاولات التفتيش والتنقيب عن شي بمثل لبنان سألت الشعب ،وطبعًا متل ما قلت ما لازم ترسم شي الكل رح يرسمو

فكرت ارسم الساعة بوسط بيروت بس لقيتا قصة طويلة وبدا كتير قطع و تركيب شي بالطول وشي بالعرض بدي اسندو وحط فوقو يعني سيرة طويلة

جبت قطع الدومينو صفيتون فوق بعض بشكل دائري حتى آخد فكرة عن المشهد وكانت النتيجة


قبل تصحيح الأستاذ عمر

بعد التصحيح 

التمرين الثالث:

معك معطيات: طريق سكتين، وحدة روحة وحدة رجعة، بيناتن في محل البلانت أو رصيف، وعالجهتين رصيف ،
بدك ترسم جسر مشاة
حطيت رسم أولي

ثم سألت غوغل فلاحظت إنو بكون إسا في عامود بالنص
النتيجة وما كملت هاشور

وطالع متل شي لعبة بمدينة الملاهي..!
للمزيد اسأل غوغل عن "جسر مشاة"
أمثلة من غوغل

القرية -أو الضيعة- والمدينة

بعد ما أخدنا درس طويل عريض عن العمارة اللبنانية ومميزاتها وأساليبها

وحكينا إنو الشكل يتبع الوظيفة وكل شغلة شو كان دورا

على العموم يمكن أعمل موضوع عن العمارة التراثية اللبنانية

إذا حدث بحط اللينك هون إن شاء الله

هلأ العمارة -لنسمين- تلت أنواع:

1- عمارة تقليدية أو تراثية

2- عمارة مودرن بلشت بسنة ال75 يلي هي قصة البنايات العالية وكذا

3- عمارة معاصرة أو سوبر مودرن يلي هي الأشكال العجيبة بالبنا

القرية

بيطلبو مثلا ارسم قرية لبنانية تراثية، أو تهدمت قرية أثناء الحرب وأعيد بناؤها ارسمها

1- طبعًا بدنا نعتمد العمارة التراثية قناطر وقمريات وحجر

2- لازم يكون في بالضيعة من 8-12 بيت
3- لازم يكون في مكان عبادة
4- ممنوع تطلع حدود الرسمة برة الورقة يعني ما نص البيت جوا والنص التاني ما مبين والشجرة كمان نصا جوا نصا برة
5- اعطي خط الأرض سماكة (يعني ما يكون رفيع.. يكون عريض)

ملاحظة كتييير مهمة: رسمتي غلط -بس حتى تاخدو فكرة- لازم تكون اصغرررر
هيدي كل ورقة الكونسون^^"

للمزيد من المعلومات اسأل غوغل عن "قرية لبنانية" بتاخد فكرة
مثال من غوغل

افتح الصورة بتاب جديد بتفتح كبيرة

المدينة

نفس الشي ارسم مدينة...

1- مطاعم

2- أشيا كبيرة مش متل القرية

3- مول

4- شارع

5- وطبعًا مع احترام الـ proportion (النسب)

متل ما قلت مدينتي معاصرة 

 ع الشمال مجمع رياضي وبالنص مكتبة 

المفروض هني بدلو ع حالن

للمزيد

اسأل غوغل عن "مدينة"

مثال

ملاحظة 

المدينة والقرية لازم يكونو واجهة أو بروجكسيون projection

ممنوع الأبعاد البرسبكتيف يعني

إلا إذا بالسؤال هني قالو

السلسلة هي نتاج أسبوعين من الاثنين للسبت 4 ساعات

بالإضافة إلى الرسم الفني مشمول في موضوع واحد

بس نحنا كنا ناخد بالنهار هيك وهيك يعني خطيطة ورسم فني

سلسلة الدورة التحضيرية للarch - ملحق الرسم الفني

المشرف عليها هو الأستاذ المهندس المعماري عمر خريج الجامعة اللبنانية

مع بعض طلاب الجامعة

شكرًا جزيلًا لهم..

اللهم اجزهم عنا خير الجزاء..اللهم سدد خطاهم واهدهم أجمعين برحمتك يا أرحم الراحمين..آمين

والحمد لله رب العالمين

سلسلة الدورة التحضيرية للarch - الجزء الرابع

concept الفكرة المعمارية

بتعرف إنو الconcept لبرج العرب هو شراع؟

أتصور صار عندك فكرة عن مفهوم الـ concept

التمرين الأول:

فيك تعطيني شكل معماري من:

بيضة، دودة، إجاص، سلحفاة، بطيخ، موز،...

ممكن استعمل أكثر من بيضة وحدة أو جزء منها

التمرين الثاني:

بتقدر تعطيني شكل معماري من concept إلو علاقة بالبحر:

من دلفين مثلًا مطعم على البحر

التمرين الثالث:

هلأ اعطيني concept، شو عملت فيه يعني كيف قسمتو أو شو استعملت منو، و شو عملت فيه .

النتيجة ما شرط تكون مبنى ممكن حديقة، بيت، جسر،.. 

أهم شي ما تكتب انت شو عامل، فكرك بدك تفهم المصحح، هيك بتكون عمتقول فكرتي مش مفهومة فـ رح وضحا بالكتابة

التمرين الرابع:

بدنا نرسم كشك من concept مرتبط بالشي يلي ببيعو هالكشك

خربشتي الأولية

خربشتي الثانية

النتيجة قبل تصحيح الأستاذ عمر

سلسلة الدورة التحضيرية للarch - الجزء الثالث

يللي بيقدر يمشي بالمقلوب بيعرف يمشي صح..!

بعد ما خلصنا تمرين التشكيل المعماري، طبعًا للمزيد اسأل غوغل عن التشكيل أو التأليف المعماري.

مجددًا وقف الأستاذ عمر وقال: ارسملي بيت بشع..! مشكلة إذا ما بتقدر..

ما القضية إنو يكون غلط ،مثلًا الشباك بيفتح ع الباب ..لأ

بيت ما بينسكن يعني إذا قدمتو لحدًا ما بيقدر يسكنو..

ضلينا شي نص ساعة تقريبًا عم نحاول نطلع ببيت بشع، عن نفسي ما حصلت على نتيجة..

وبعد ما خلصت هالنص ساعة رجع أ.عمر وقال هلأ ارسملي بيت حلو

وعطانا تحضير واجهة بناية ونكمل البيت البشع والبيت الحلو

أو كاي

هيدا البيت يلي ع أساس حلو يلي رسمتو بالصف

تحضير البيت البشع 

تحضير البيت الحلو

سلسلة الدورة التحضيرية للarch - الجزء الثاني

التشكيل(التأليف) -composition

وقف الأستاذ عمر وكتب على اللوح "composition"...

كلنا منعرف الأشكال الهندسية: المربع والمستطيل والمثلث والدائرة ..صح

ثم قال هلأ أنا واقف جنب رفيقي وسلمت عليه..طيب وإذا سلمت عليه باصبع واحد..

طيب إذا واقف جنبو وعملت حالي مني شايفو وما سلمت عليه..شو؟

وإذا كنت بعيد وما سلمت عليه؟

الأساس بالتشكيل هو جمع عدد من الأشكال الهندسية برسمة وحدة ضمن الشروط التالية:

1- ما يكونو الأشكال كتير قريبين ع بعض بدون ما يكونو متلامسين يعني يفترض المسافة تكون نصف الشكل تقريبًا
(يعني كون واقف قريب ع رفيقي وما سلم)

سلسلة الدورة التحضيرية للarch - الجزء الأول

الرسم بالنقط

السلام عليكم

اليوم الأول من دورة التحضير لامتحان الدخول

الأشيا يلي رح تلزمنا:

-مسطرة T

مسطرة 30-60

ومسطرة 45-45

أقلام HB- B- 2B -4B- 6B- 8B

ممحاة طبعا

porte mine يلي هو قلم الرصاصات 

مبراة porte mine

دفتر كونسون A3

وبس

طلبوا منا نرسم بالنقاط ، 
مثال رسمتي:

رسمنا شي واضح كفكرة ولكن بالنقط

وكان خاطئ..

المطلوب بالواقع