سلسلة الدورة التحضيرية للarch - الجزء الثاني

التشكيل(التأليف) -composition

وقف الأستاذ عمر وكتب على اللوح "composition"...

كلنا منعرف الأشكال الهندسية: المربع والمستطيل والمثلث والدائرة ..صح

ثم قال هلأ أنا واقف جنب رفيقي وسلمت عليه..طيب وإذا سلمت عليه باصبع واحد..

طيب إذا واقف جنبو وعملت حالي مني شايفو وما سلمت عليه..شو؟

وإذا كنت بعيد وما سلمت عليه؟

الأساس بالتشكيل هو جمع عدد من الأشكال الهندسية برسمة وحدة ضمن الشروط التالية:

1- ما يكونو الأشكال كتير قريبين ع بعض بدون ما يكونو متلامسين يعني يفترض المسافة تكون نصف الشكل تقريبًا
(يعني كون واقف قريب ع رفيقي وما سلم)

2- إذا متلامسين يفترض مساحة الالتقاء تكون بتساوي ربع الشكل
(ما سلم ع رفيقي باصبع واحد)

3- و إذا كان الشكل من جوا ، كمان لازم نحترم القاعدة التانية ،يعني الفرق بين الأطراف لازم يكون بساوي ربع الشكل تقريبًا

4- الالتقاء بخط واحد أو نقطة وحدة ممنوع 

5- العجقة ممنوعة، كل ما زادت الزوايا كل ما تزيد المشاكل

6- الزواريب الصغيرة ممنوعة

7- "الفراغ جزء من التشكيل" يعني-واحد- ما برسم رسمتي كلها ع زاوية الورقة، و-اثنان- ما بقرب كتير على الأطراف

الحل هو إنو ارسم كادر ولما خلص الرسمة بمحيه

8- الشكل ينبع من مبدأ واحد، ومش تقليد لشي معين مثلًا فيل أو ضفدع

9- إذا شكل منو لازم شيلو ، دائرة صغيرة مثلًا

 ما رسمه الأستاذ عمر على اللوح كمثال

التمرين الأول:

استعمال 7 على الأقل من الأشكال التالية:
3 مربعات متفاوتة الأحجام،
 3 مثلثات متساوية،
3 دوائر متساوية،

نتيجتي:

التمرين الثاني: 

ممكن استعمال أي شكل ولكن تشكيل مفهوم،

اليوم الثاني ما خلص بعد بس بلشنا بموضوع جديد..
والتحضير كان نفس الشي يعني متل تمرين

سلسلة الدورة التحضيرية للarch - الجزء الثالث